Brúðguminn er æði! Fór á hana í síðustu viku eftir að hafa heyrt hverja lofræðuna á fætur annarri og varð svona líka kát með hreyfimynd þá arna. Fyrir það fyrsta fær íslenska sumarið loksins það sem það á skilið í bíómynd, það er að segja sumarnæturnar stela senunni. Lítið fer fyrir skrafrenningi, vosbúð og annarskonar kvillum sem hrjáð hafa margar íslenskar myndir í gegnum tíðina, en að sjálfsögðu er þarna staðalbúnaður og meginuppistaða íslenskra mynda fyrri ára, eins og geðveilur, fyllerí og allsber Hilmir Snær.

Maður verður reyndar grænn og gulur í eftirvæntingu eftir sumrinu enda sumarnætur á Íslandi bestar í heimi en að sama skapi virkar myndin eins og orkubúst á myrku snjóþungu febrúarkvöldi. Ef þú ert ekki búinn að fara farðu þá strax!

Flatey í hlutverki sjálfrar sín, húrra fyrir hönnuðinum!